ಹನಿಗವನಗಳು - ಕಣ್ಣಲ್ಲಿ ಕನಸು ಮುದ್ದಾದ ಮುನಿಸು
ಯಶಸ್ವಿನಿ ಹೆಚ್.ಆರ್.
ದಿತೀಯ ಬಿ.ಎ., (ಹೆಚ್.ಇ.ಇ.)
ಜಿ.ಎಫ್.ಜಿ.ಸಿ., ತುಮಕೂರು.
yashuyash02082000@gmail.com Ph: 8747884183
* ಕಣ್ಣಲ್ಲಿ ಕನಸು ಮುದ್ದಾದ ಮುನಿಸು, ಎಂಥಾ ಸೊಗಸು
ಮುಖದಲ್ಲಿ ನಗುವು, ನನಗಿದೆಯ ಒಲವು
ಮಗುವಂಥ ಮನಸ್ಸು, ಮುಗಿಯದ ವಯಸ್ಸು
ನಡತೆಯಲ್ಲಿ ಸೊಗಸು, ಗೆಳತಿ ಹೆಸರಲ್ಲೇ ನಿನಗಿದೆ ಯಾವಾಗಲೂ ಯಶಸ್ಸು
* ಅಂಧವಾದ ಹೃದಯ ಆಸರೆಗಾಗಿ
ಮುಕ್ತವಾದ ಮನಸ್ಸು ನೆಮ್ಮದಿಗಾಗಿ
ಭರವಸೆಯ ಭಾವನೆ ಬದುಕಿಗಾಗಿ
ನನ್ನೆದೆಯ ನೆನಪು ನಾಳೆಗಾಗಿ, ಈ ನಮ್ಮ ಸ್ನೇಹಕ್ಕಾಗಿ
* ನಮ್ಮ ಮನಸ್ಸಿನಲ್ಲಿ
ಬರೀ ಗೆಲುವಿನ ಕಿಚ್ಚು ಇದ್ದರೆ
ಬೆಂಕಿ ಕೂಡ ನಮ್ಮನ್ನು ಸುಡುವುದಿಲ್ಲ
ಅದೇ ನಮ್ಮ ಮನಸ್ಸಿನಲ್ಲಿ
ಬರಿ ಹೊಟ್ಟೆ ಕಿಚ್ಚು ಇದ್ದರೆ
ಬೆಂಕಿ ಇಲ್ಲದೆ ನಮ್ಮ ದೇಹವನ್ನು ನಾವೇ ಸುಟ್ಟುಕೊಂಡಂತೆ.
* ಕಣ್ಣಲ್ಲೆ ನಗುತ ಮನದಲ್ಲಿ ಮಿಡಿತ
ಗುಳಿಕೆನ್ನೆಯಲ್ಲಿ ನೆನಪಾಗೊ ಬಾಲೆ
ಸ್ನೇಹದಿ ಬಳಿಗೆ ಮನಸಿನ ಒಳಗೆ
ಕೈ ಹಿಡಿದು ಕರೆವೆ ಸ್ವಾಗತವು, ಈ ಸ್ನೇಹ ಲೋಕಕ್ಕೆ.
* ಅಂದು ಕಂಡ ನೀನು,
ನೀರಿನಲ್ಲಿ ಮೀನು
ಅಂದಿನಿಂದ ನಾನು,
ನಿನಗಾದೆ ಪ್ಯಾನು
* ಕನಸೆಂಬ ಸಾಗರದಲ್ಲಿ
ಮನಸ್ಸೆಂಬ ಮಂದಿರದಲ್ಲಿ
ಹಣತೆಯಲ್ಲಿ ಪ್ರೀತಿ ಹುಟ್ಟಿ
ಯಾವಾಗಲೂ ಈ ಪ್ರೀತಿ ಮಿನುಗುತ್ತಿರಲಿ.