ಕನ್ನಡಿ ಮಾತನಾಡಲಿಲ್ಲ!
ಶ್ರೀವಿದ್ಯಾ ಎ
(Shreevidya A)
Student- 1st M.Sc. Physics
Mangalore University, Mangalagangotri, Konaje, Mangalore.
Valachil padav, Farangipete, Mangalore.
ashreevidya97@gmail.com Mobile: 9448028127
ಹೊಸದೊಂದು ಕನ್ನಡಿ
ಮನೆಯ ಗೋಡೆಯನೇರಿತು,
ಹೊಸ ಮನದ ಹಸುಳೆಯಲಿ
ತುಸು ಮಂದಹಾಸವನೆರಚಿತು
ಕನ್ನಡಿ ನಕ್ಕಿತು ಎಳಸು ಮುಗ್ಧತೆಯ ಕಂಡು,
ಮೀಸೆ ತಿರುವಿತು ಸಾಧನೆಗಳ ವರ್ಚಸ್ಸ ಕಂಡು,
ಪ್ರತಿಫಲಿಸುವುದಂತೆ, ಅಥವಾ ಜೊತೆಗೂಡುವುದೋ?
ಏನೋ ಒಂದು ; ಜೀವನಕೇ ಅಂಟಿತ್ತು.
ಕನ್ನಡಿಯ ಬಣ್ಣಗಳು ನನ್ನ ಮುಖದ ಮೇಲಿತ್ತು!
ಕಣ್ಣೀರ ಕಂಡು ಕನ್ನಡಿ ಬೆನ್ನ ಸವರಿತ್ತು,
ನೋವುಗಳ ದಾರಿ ಕಂಡು ಕಾಲು ಹೆಜ್ಜೆ ಕಿತ್ತಾಗ,
ಕಣ್ಣೀರು ಸತ್ತಿತ್ತು, ಕನ್ನಡಿ ಸಾಯಲಿಲ್ಲ..
ಅದೇನನೋ ಗೊಣಗುತ್ತಿತ್ತು, ಕೇಳಬೇಕಲ್ಲವೇ?
ಅಸಡ್ಡೆ! , ಕನ್ನಡಿ ಮಾತಾಡುವುದೇ?!
ಬಹುದೂರಕೆ ಕಾಲು ಸವೆಸಿ,
ಮನೆಗೆ ಹಿಂತಿರುಗಿದ ನನ್ನ ಹೆಜ್ಜೆಗಳು
ಕನ್ನಡಿಯ ಕಂಡು " ಹಲೋ " ಎಂದವು.
ಕನ್ನಡಿ ಮರುಧ್ವನಿಸಲಿಲ್ಲ !
ಬೆನ್ನು ತೋರಿಸಿದೆ, ಓರೆಗಣ್ಣು ಬೆವತಿತ್ತು,
ಕನ್ನಡಿ ಹಿಂಬಾಲಿಸುತ್ತಲೇ ಇತ್ತು!!